fbpx

شطرنج بيتحرك لوحده: Square Off chess board

نضارات بتعالج دوار الحركة!
أغسطس 9, 2018
وشك هو الباسبورت بتاعك من خلال تقنية الـFacial Recognition
أغسطس 12, 2018

شطرنج بيتحرك لوحده: Square Off chess board

السحر مسابش حاجة معملهاش في فيلم هاري بوتر و حقق أغلب الحاجات اللي تقريباً كان نفسنا فيها زي العصاية السحرية و الطيران بالمقشة و الشطرنج اللي بيتحرك لوحده “Wizard’s chess“، بس التكنولوچيا بتقولنا إن “ما عفريت إلا بني ٱدم” من خلال Square off chess board set 😎

شركة square off نفذت فكرة الفريق الهندي InfiVention team و هي شطرنج بتحركه عن بعد، يعني تبقى قاعد مكانك كدة و قدامك الشطرنج و القطع بتتحرك لوحدها على حسب ما أنت عايز بظبط.

الشطرنج دا بيتلعب بكذا طريقة، يعني ممكن تلعب مع خصم موجود قدامك من خلال التطبيق بتاع اللعبة على الموبايل، وهنا خصمك بيحرك القطع على الموبايل فا حركته بتوصل لجهاز الشطرنج عن طريق البلوتوث، و بعدها بيبقى فيه mechanized arms من جوة بتحرك القطع على حسب ما عملها على الموبايل، يا إما حد يلاعبك عن بعد من أي حتة في العالم عن طريق الموقع Chess.com، بنفس طريقة الموبايل كدة، أو تختار إنك تلاعب اللعبة نفسها، و كل دا و القطع بتتحرك قدام عنيك.

جهاز اللعبة بيشتغل ببطارية تستحمل لحد ٣٠ دور منغير ما تتشحن في النص، و برده الشاحن بتاعها بيجي مع الجهاز.
و زي ما أي لعبة في الدنيا ليها قواعد، لعبة Square off chess board كمان ليها 😎

قواعد اللعب:

1. أي حركة بتعملها لازم الجهاز هيصفر و بعدها الشخص التاني ممكن يلعب

2. لو عملت أي حركة غلط جهاز الشطرنج هيقعد يصفر لغاية ما تغيرها

3. لو أنت اللي بتلعب عن بعد، معاك ٣ دقايق بس عشان تفكر و تاخد قرار و إلا اللعبة هتقفل

صحيح ممكن تلعبها على الموبايل أو الموقع، لكن كل الناس اللي لعبوها على الجهاز نفسه إستمتعوا جداً بفكرة إنهم شايفين إن القطع بتتحرك لوحدها أكتر، و حسوا فعلاً إنهم بيلاعبوا أشباح 😂 بس خُدوا بالكم لإن الشبح هيكلمكم 😶، لإن فريق InfiVention team بيشتغل على messaging feature و هيخلي اللعبة تكلمك لو إنت مختارها كا خصم ليك، كمان بيشتغلوا على Analyze feature عشان اللعبة تغششك لو مش هي الخصم 👏

رغم مشاكل جهاز الشطرنج زي إن حجمه يُعتبر كبير شوية و صوت المكن و الصفارة اللي بيشتغل بيهم عالي شويتين إلا إن الفريق الهندي دا نجح فعلاً إنه يدمج بين لعبة الشطرنج التقليدية و الأونلاين بعد ما كان مجرد prototype لضُعاف النظر عشان يلعبوا شطرنج.

كمان لعبة  square off chess board فيها ميزة عالمية و هي إنك ممكن تشوف بطولات دولية بتتلعب live على جهاز الشطرنج اللي عندك في البيت أو حتى تشوف بطولات قديمة متسجلة.

نفسك تكش عليه ملك؟

جبنا معلوماتنا منين؟

Digitatl trends

Inventions Insider

X