fbpx
“رباب الأقصر” يعيد تدوير المخلفات لآلات الموسيقى و يتأهل لتصفيات الأمم المتحدة
يونيو 11, 2018
استحواذ ميكروسوفت على جيت هاب: قصة التلج و النار
يونيو 13, 2018

طبيبة روسية تخترع بدلة الكترونية لإعادة تأهيل الأعصاب

فاكرين الأفلام الأجنبية زمان، الخيال العلمي أو القصص أو المسلسلات.. كل الحاجات إلي كانت مجرد أفكار على ورق، مجرد خيال و حكاية لكن بسبب الخيال ده الإنسان تطور و تقدم.

بقى في تقدم رهيب في كل نواحي الحياة من تكنولوجية لطب لبيولوجي لثقافة و حاجات غير كده كتير. و دلوقتي ظهر ناس بتؤمن بإن الإنسان ينفع يتحدى الموت و الإعاقة و ينفع يعيش، و ده مش معناه إن الإنسان هيعيش للأبد و لكن معناه تحدي لكل الي الطب معرفش يوصله زي مثلا لما حد يخسر التحكم في أعضائه او عضو منهم..

أولجا ليفتسكاي، بنت روسية، بدأت الحكاية من دراستها لل genomics و ال embryology، في يوم اتدمرت أعصاب إيدها و وحدة وحدة خسرت التحكم في إيدها. في النهاية خسرت حركة إيدها تماماً.

و من اليأس أتولد حلم و فكرة جديدة و بدأت تشتغل على تطوير “نظام عصبي اصطناعي” artificial neurosystem في جوانتيات عشان تعرف تتحكم في أعصاب الأيد و من هنا فكرت؛ “ليه متعملش بدلة كاملة للجسم كله؟!”

أولجا فى البداية درست طب لكن فضلت تكون Biologist، لأن الطب الى الأن موصلش لتقدم و التطور الي وصله البيولوجي و التكنولوجيا و لأن الأدوات الي الطب بيستخدمها مش متقدمة كفاية عشان تتحدى الموت و تتخطاه.

أولجا، neuroscientist من موسكو في روسيا، و Chief Executive Officer في Cyber Myonics LLC. و يتشتغل على تطوير و صناعة البدلة الألكترونية CyberSuite.

ايه هي البدلة دي؟ هي بدلة exo-neurosystem فيها دماغ خاص بذكاء إصطناعي و كمان فيها sensors بتقرا إشارات الجسم و الأعصاب و تتواصل معاها.

فيها “سداسي الزوايا” Hexagon، و هي قطب كهربائي electrode.

في طرق كتير عشان تستخدم ال cybersuite أول طريقة استخدام ال neuro-rehabilitation و ده بيعالج الأعصاب المدمرة عن طريق السكتة الدماغية او الإصابات.

و الطريقة التانية هي motor skill training و دي تقدر تقرا حركة البني أدم، اي حركة، تعيد القراية تاني في البدلة عشان تتعلم مثلا ترقص او تعزف اي ألة موسيقية…

و كمان في طريقة “الواقع الأفتراصي”  virtual reality deep immersion، و ينفع تستخدمها للتمرين بالبدلة، بس ببساطة انك تلبس البدلة بيخليك تكون في حالة جسدية كويسة و in shape.

X