fbpx

وشك هو الباسبورت بتاعك من خلال تقنية الـFacial Recognition

شطرنج بيتحرك لوحده: Square Off chess board
أغسطس 10, 2018
اليوم الذي أثر في 37 سنة: IBM-PC Day
أغسطس 13, 2018

وشك هو الباسبورت بتاعك من خلال تقنية الـFacial Recognition

في أفلام الخيال العلمي كنا بنشوف البطل ممكن يفتح خزنة فيها ملفات سرية من خلال إنه يبص في كاميرا معينة أو شاشة، و باستخدام الFacial recognition أو التعرف على بصمه العين، باب الخزنة يتفتح.. أو مثلا إنه يحط إيده على scanner عشان يتعرف على بصمة إيديه فتفتح الخزنة دي.

الخيال اتحول لحقيقة فعلا، و في دول كتير بتطور و بتجرب تستخدم تقنية ال facial recognition عشان تسهل على المسافرين إجراءات السفر من ورق و ظباط و المراحل الكتير الي بتحتاجها في المطار عشان تدخل البلد دي.

الفكرة بتتلخص في إن وشك هو جواز السفر بتاعك، و دا من خلال إن بيتركب شريحة إلكترونية معينة في جواز السفر بتاعك فيها كل المعلومات الي محتاجين يعرفوها عنك..  وقت ما بتوصل المطار بتعدي على Scanner بيشتغل بتقنية ال Facial recognition بيتعرف على وشك و يبدأ يطابق المعلومات الي في جواز السفر من خلال إنه يـscan الشريحة و يقارنها بشكل وشك و بصمه الإيد.
و دا هيوفر وقت كبير جدا من إجراءات تفتيش و أختام في جواز السفر و استفسار ظابط المطار عن بياناتك.

مطارات و شركات طيران كتير متحمسة للتقنيه دي، و بالفعل بدأوا يطبقوا نسخة تجريبية منها عشان يقيموا فاعليتها. زي Lufthansa، و مطار Helsinki، و مطار شنغهاي في الصين، و دول و مطارات كتير غيرها.

في سنة 2020 أستراليا هتبدأ تشتغل بالـsystem دا فعلا في كل مطارتها، و بالفعل شغالين في تطوير البرنامج و إطلاق نسخ تجريبية منه في مطارات معينة.

و بكده عملية السفر من بلد للتانية هتكون أسهل بكتير و أسرع و مش محتاجة كمية الأوراق و المجهود الي موجود حاليا.

X