fbpx

اصنع بنفسك منجنيق خشب

هنا بلاسي، بتعمَل ما تُحِب، وبتحب ما تعمَل برضه
نوفمبر 15, 2017
صمم تيشيرتك الخاص بالvinyl cutter
نوفمبر 19, 2017

اصنع بنفسك منجنيق خشب

فى العصور القديمة إللى هي قديمة أوى دى… كانوا بيستخدوا أدوات عظيمة لهدم القلاع و القصور زى المنجنيق. النهارده بقى هنتعلم إزاى نعمل واحد لعبه بالخشب D:

  • خشب سمك 6 مم أو 3 مم
  • أستك
  • غراء أبيض أو صمغ
  • ماكينه قطع باليزر زى إللى عندنا في فاب لاب مصر 😀

 

قبل ما نبتدى ده ملف التصميم نزله و قطعه على ماكينه الليزر بخشب 6 مم أو قطعه على خشب 3 مم مرتين و الزقه فى بعضه

catapult parts (real)

الخطوة الأولى

ركب القطعتين 1 و 3 على بعض

catapult step 1 #1catapult step 1 #2

الخطوة التانية

ركب القطعة 2 فوق 3

catapult step 2

الخطوة التالتة

ركب القطعة 4 فى 2 من تحت

catapult step 3

الخطوة الرابعة

ثبت قطعتين من 5 بقطعة من 6

catapult step 4

الخطوة الخامسة

ركز معايا علشان دى صعبة شوية

هتدخل قطعتين من 8 بين القطعتين 5 من الفتحات اللي برا

و القطعة 4 فى الفتحات اللى جوا تحت القطعة 6

catapult step 5

الخطوة السادسة

هتقفل الجسم فى بعضه بقطعتين 7 و بكده الجسم هيمسك نفسه

catapult step 6

الخطوه السابعة

ركب العجل اللي هو قطعة رقم 9 فى الأجزاء إللي طالعة برا الجسم من القطعة 8

catapult step 7

الخطوه الثامنة و الأخيرة

بص بقى و متتلخبطش

هترفع الدراع لفوق للآخر و بعدين تحط الأستك وراه و تثبت الأستك فى القطعة 6

Catapult final

إديله و مترحموش !!!

X