fbpx
أول روبوت بيتكلم عربي في العالم
يونيو 4, 2018
مواصفات كاميرات OpenMV إللي غيرت عالم الMachine Vision
يونيو 6, 2018

جدار بيغيروا حياة المصريين، One Wall at a Time

إيه انطباعك عن الفن؟ جمال؟ هدوء؟

هل هو تعبير عن الذات؟ رفض للروتين؟ فوضى٬ ثورة٬ تحرر من القيود؟

هل الفن نوع من أنواع الرفاهية٬ أم ضرورة للحياة؟

جدار: “طيب ليه مايكونش كل دول مع بعض؟”

سارة فرح و تسنيم هم تلات بنات في سنة تالتة فنون جميلة٬ وهم عارفين كويس إزاي المجتمع دايما بيبص للفن على إنه مش أكتر من رفاهية..

فرح عمارة - Chief Business Developer

تسنيم عمرو - Operations Manager

سارة جعفر - Chief Executive Officer

“صعب جدا إني ألاقي شغل كطالب في فنون جميلة٬ وحتى لما ألاقي بيبقى بمقابل أقل بكتير من المجهود إلي بذلته”

فطلعوا بفكرة جدار. ليه مايكونش في مكان بيوصل كل الفنانين بالفرص المناسبة لشكل الفن بتاعهم؟ الفنانين بعد كدا هيزينوا الحيطان برسوماتهم وفنهم، ويعملوا ديكور بشكل مختلف عن أي ديكور تاني.

” لما بدأنا نتشتغل، لقينا الناس مش مستوعبة الفكرة قوي.. الناس عارفة شغل الgraffiti و إنك تنزل تلون الشارع بالspray، وإنك تجيب sticker تلزقه عالحيطة. بس إنك تعمل تصميم وترسمه وتلونه عالحيطة؟ كتير مش فاهمين الفرق”

فبدأوا يختاروا الclients بتوعهم. كافيه؟ جيم؟ شركة؟ أي مكان شغل؟

الحقيقة إن في تلات حاجات رئيسية ممكن تحمس الواحد إنه يشتغل: قدرته، بيئة العمل والmotivation. فهو مافيش حاجة خارجية ممكن تتحكم في قدرة الإنسان، بس إيه رأيك لو وفرتله بيئة بتفتح نفسه إنه يشتغل؟ إنت كدا كمان يتزيد حماسه إنه يروح الشغل! وبما إنهم دارسين سيكولوجية الألوان، فهيعرفوا يخلقوا البيئة المناسبة بالضبط.

زيادة على كدا، فهم دارسين Branding، فتصميماتهم بتميز الحيطان بالwork ethics، values، والbranding بتاع المكان بالشكل المضبوط.

“لما بنروح أي شركة، أول حاجة بيسألوهالنا هي: هو إنتوا عندكوا كام سنة؟ بس لما بيشوفوا الdocuments والresearch بنلاقيهم انبهروا. بس بعد كدا بيسألوا عن السعر ويبتدوا يترددوا تاني.. ليه أدفع كل ده في حاجة رفاهية؟

الحقيقة إنه مش مجرد رفاهية. السعر إللي رايح لمجهود الفنانين، غير إنه هيبقى تصميم متميز ليهم وعمره ما هيتكرر في أي مكان تاني، فده هيبقى نوع جديد وفريد للmarketing والbranding للشركة.

فلو فكرت فيها، ده Advertising بسعر أقل بكتير!”

ممكن بكون جالك انطباع إن ده كدا بيحط قيود عالفنان إللي بيرسم، بس ده مش مضبوط: هم عمرهم ما بيخلوا أي حد يغير الstyle بتاعه

” احنا عندنا لحد دلوقتي database من 110 فنان، متقسمين على حسب الstyle يتاع كل واحد.. فاللي بنعمله إننا نوصل الstyle المناسب للمكان الصح، وعلى حسب قرب أو بعد المكان للartist بردو”

اشمعنى اختروا اسم جدار؟

” جدار، من الجدار العازل في فلسطين. بالنسبة لينا هو بيمثل الثورة، التحرر من القيود: ده إللي شايفينه في الفن. لما بنمشي في الشوارع وفي معظم الأماكن، الدنيا أبيض واسود، أو actually هي “متربة”، باهتة، مافيهاش ألوان. جدار عشان عايزين نrevolutionize كل مكان بالألوان”

رؤية جدار إنهم في خلال خمس سنين مثلا، يكون في مكان لكل الartists بيوصلوهم للclients المناسبة، وإنهم يوصلوا لأكبر عدد من الشركات، المصانع، الgyms، كل مكان في مصر.

بالنسبة ليهم، كل ال”making” نوع من أنواع الفن! إنك تصمم وتخترع حاجة من بدايتها لحد ما تبقى منتج قدامك: ده فن.

بس تنصحوا أي حد حابب يبتدي بإيه؟

” أنا خفت من كلمة نصيحة!

بس بعيدا عن كلام التنمية البشرية، إنت بس ابتدي. امسك ورقة وقلم وارسم، دور على شغل الفنانين التانيين وقارن مابينكم.. مش لازم خالص تطلع أحسن حاجة في التاريخ، إنت بس محتاج تتدرب كتير”

X