مفيش رصيد ؟ مش مشكلة. مفيش شحن ؟ في power bank، مفيش شبكة ؟؟ في goTenna.
goTenna شركة بتصمم و تطور تكنولوچيات للاتصالات اللامركزية و الـoff-grid
كان هدف الشركة إنها تأسس “peer-to-peer communications” يعني ببساطة “من النهاردة مفيش برج إتصالات، إحنا برج الإتصالات”
الحاجة أم الإختراع. بعد ما إعصار sandy ضرب حوالي 25% من أبراج الإتصالات في 10 ولايات، فكرت Daniela Perdomo مع أخوها Jorge في الفكرة و كان هدف شركتهم هو عمل أنظمة اتصالات واحد إلى واحد (peer-to-peer) مُشغّل من الناس نفسهم، و ده بيقلل الاعتماد على أبراج الشبكات و أجهزة توجيه الـwi-fi
في سبتمبر 2016 أطلقت الشركة goTenna Plus، و إللي بيتيح إستخدام أجهزة goTenna تانية كبوابات لترحيل الرسائل من خلال شبكات الرسائل التقليدية و من غير إنترنت
و الشركة كمان أطلقت software kit للمطورين علشان يقدروا يعملوا تطبيقات مختلفة باستخدام goTenna hardware، زي الشراكة إللي تمت الصيف ده بينهم و بين شركة Samourai Wallet و طوروا برنامج txTenna على منصة Android إللي بيتيح تعاملات الـBitcoin و الـCryptocurrency من غير إستخدام الإنترنت.
و في نفس الفترة إللي طلعت فيها الـsoftware kit الشركة عملت جيل تاني من الجهاز goTenna Mesh، و هو أول جهاز شبكي من نوعه متاح للمستخدمين، و بقى متوفر في 49 دولة.
مؤخراً goTenna Mesh كان الجهاز رفم واحد مبيعاً من أجهزة الـGPS الممسكة باليد في Amazon Prime day 2018، و خلصت الكمية بعد ساعات قليلة من بداية اليوم، و إللي بيوصل إجمالي عدد المشترين للجهاز حوالي 100,000 في العالم، و بيعتمدوا عليه في اتصالاتهم اليومية.
كسبت شركة goTenna منحة من مؤسسة مدينة New York للتنمية الإقتصادية في مسابقة RISE:NYC، إللي بتهدف إنها تزود قدرة المشاريع الصغيرة إللي إتأثرت بإعصار Sandy، أو عُرضة لمخاطر طبيعية مشابهة نتيجة التغير المناخي إنها تقوم على رجليها تاني. من شروط المنحة إن شركة goTenna تمنح 20,000 جهاز لـ10,000 مشروع تجاري صغير إتأثر بالإعصار.
كسبت goTenna منح هندسية غير متكررة كتير من كيانات زي Google و وزارة الدفاع الأمريكية، ده بجانب رف الجوائز إللي فيه حوالي 14 جائة من مؤسسات مختلفة.
