fbpx
أحتفاليات أردوينو حول العالم 2018 “Share the Experience”
مايو 11, 2018
إزاى تعمل روبوت يقدر يشيل أجسام مختلفة و تتحكم فيه من موبايلك
مايو 14, 2018

بصمة الوطن العربي في عالم الأردوينو

هم ٣ مستحيلات: الغول و العنقاء و الخل الوفي.. و لو انت ميكر، فرابع المستحيلات إنك تكون ماسمعتش عن الأردوينو.

اختراع الأردوينو خلاك تقدر تخترع أي حاجة (حرفيا) و انت قاعد في بيتك، والحاجة الوحيدة إللي ممكن تقيدك هي قدرتك على التخيل. و النهاردة -لخامس سنة-  بنحتفل بعيد ميلاد أردوينو في العالم كله، فكل سنة و كلنا ميكرز!

النهاردة بيجتمع كل الهواة  و الميكرز و أصحاب ال start-ups و الdevelopers و المهتمين بأردوينو: makerspaces, hackerspaces, fablabs, منظمات، مدرسين، محترفين و مبتدئين.. من ٩٤ دولة في العالم في أكتر من ٥٠٠ احتفالية للopen-source community و مشاركة الخبرات.

في ٢٠١٧ كانت عدد الفاعليات ٤٩٩ من ٧٩ دولة في تورين، مالمو، و سان خوسيه، و كانت الفاعليات خليط من الtalks, workshops و معارض للمشروعات بحضور جمهور كبير جدا. و السنة دي اشتغل الفريق إنه يزود الفاعليات لأكتر من ٥٠٠ تحت شعار “Share the Experience”.

و لو بصينا على الوطن العربي، فبقالنا فترة بنلاحظ تطور كبير في الhardware startups بشكل مبهج الحقيقة. و دول اتنين من الشركات الناشئة العربية إللي أثبتت وجودها في العالم، وإللي مشاريعهم قايمة على الأردوينو:

1Sheeld من إنتاج شركة Integreight المصرية، إللي عمل ثورة في استخدام الأردوينو shields

هو صحيح اختراع الأردوينو فتح عالم من الفرص للDIY Community، بس كان لسه في قيود كتيرة لواحد حابب يخرج برا الصندوق.. هو آه تقدر تزود shield لكل وظيفة جديدة إنت حابب تضيفها، بس كل shield جديد وليه تمنه بردو.. بس ده كان لحد ما ظهر فريق من ٨ أفراد مصريين وغيروا عالم الأردوينو. دلوقتي تقدر توصل الرأدوينو بموبايلك، و بتطبيق 1Sheeld من شركة Integreight تقدر تستخدم الموبايل ككل الshields إللي إنت حابب تستخدمها في مشروعك!

شركة MellBell الأردنية، صاحبة أصغر أردوينو في العالم

MellBell واحدة من الشركات الناشئة إللي دخلت عالم الأعمال الاكترونية بجيل جديد و مختلف من الأردوينو، و هدف شركة MellBell هو إدارة مشاريع الDo-it-yourself في الشرق الاوسط و شمال افريقيا. بدأوا بمشروع PICO: أصغر أردوينو في العالم بمقاس 0.6×0.6! و كان المشروع من عمل محمد مالهس و احمد نبيل.

٦ مشاريع قايمة على الأردوينو ممكن تديك أفكار أو inspiration:

Building an Arduino Quadruped

X